Biliyinizi gəlirə çevirin

1. Tələbələrlə Ünsiyyət və Geri Dönüş Sürəti

TələbDərs videolarının altındakı rəy bölməsində tələbələr tərəfindən verilən suallar maksimum 24 saat ərzində aydın və əhatəli şəkildə cavablandırılmalıdır.

CəriməQayda iki dəfə pozulduqda sistem üzərindən xəbərdarlıq edilir. Üçüncü dəfə təkrarlandıqda, müəllim rəyləri cavablandırıb aktivliyini bərpa edənə qədər kurs satışdan müvəqqəti gizlədilir.

2. Müəllif Hüquqları və Unikal Məzmun

Tələbİstər humanitar, istər dəqiq elmlər, istərsə də hər hansı digər sahə üzrə yüklənən bütün materiallar yalnız müəllimin özünə aid olmalıdır. Başqasının dərslərini və ya kənar platformalardakı materialları kopyalayıb yükləmək qəti qadağandır.

CəriməHeç bir xəbərdarlıq edilmədən kurs dərhal silinir və müəllimin hesabı platformadan birdəfəlik bloklanır.

3. Kənar Reklam, Əlaqə Vasitələrinin Paylaşılması və Auditoriyanın Yönləndirilməsi

TələbRəylərdə və mesaj hissəsində əlaqə nömrəsi və ya sosial media hesablarının adlarının çəkilməsi qəti qadağandır. Tələbələri rəqib platformalara, kənar ödənişli xidmətlərə və ya şəxsi qruplara yönləndirmək olmaz. (Qeyd: Müəllimlər platformamızda yerləşdirdikləri öz kurslarının linkini kənarda, öz şəxsi sosial media hesablarında və ya istədikləri yerdə sərbəst şəkildə reklam edə bilərlər.)

CəriməÖdənişlər "kartdan-karta" dərhal icra edildiyi üçün, bu hal sübuta yetirildikdə heç bir xəbərdarlıq edilmədən müəllimin bütün kursları gizlədilir, hesabı bloklanır və platformada gələcək fəaliyyətinə xitam verilir.

4. Dərslərin Tamlığı və Vədlər

TələbKursun açıqlamasında vəd edilən bütün mövzular tam və əskiksiz olmalıdır. Tələbəni aldatmaq məqsədilə yarımçıq və ya qeyri-tam məzmun satıla bilməz.

CəriməTələbə şikayəti əsasında kursun yarımçıq olduğu təsdiqlənərsə, dərs materialları tamamlanana qədər kurs vitrindən gizlədilir və yeni satışlara bağlanır.

5. Etik Normalar və Davranış

TələbRəylərdə və tələbələrlə ünsiyyətdə hər zaman peşəkar ton qorunmalıdır. Kobud, alçaldıcı və ya təhqiramiz ifadələrə yol verilməməlidir.

CəriməBirinci halda sərt xəbərdarlıq verilir. İkinci halda kurs gizlədilir və müəllimin sistemə girişi məhdudlaşdırılır.

6. Texniki Keyfiyyət Standartı

TələbYüklənən videoların səs (mikrofon) və görüntü (kamera/ekran paylaşımı) keyfiyyəti aydın olmalıdır. Diqqəti yayındıran səs-küy və qaranlıq kadrlar olmamalıdır.

CəriməKurs yükləndikdə yoxlanış zamanı keyfiyyət standartlara cavab verməzsə, təsdiqlənməyərək yenidən işlənməsi üçün müəllimə geri qaytarılır.

7. Platformadankənar Satış Cəhdi

TələbMüəllimlər rəy bölməsində tələbələrlə birbaşa əlaqə qurub, kursun ödənişini platformadan kənar yolla qəbul etməyə cəhd etməməlidir.

CəriməBu fəaliyyət aşkarlandıqda profil dərhal bloklanır.

8. Admin ilə Ünsiyyət və Geri Dönüş

TələbAdmin tərəfindən göndərilən mesaj, sorğu və ya bildirişlərə mümkün qədər tez (maksimum 6 saat ərzində) cavab verilməlidir. (Bunu ikinci bir iş yeriniz kimi ciddiyə alın — məsuliyyətsiz və ya laqeyd yanaşma qəbul edilməzdir.)

CəriməArdıcıl 2 dəfə cavabsız qalarsa, xəbərdarlıq edilir. 3-cü dəfə təkrarlandıqda, məsələ həll olunana qədər müəllimin kursları müvəqqəti gizlədilir.

9. Tələbə Haqlarının Qorunması

QeydMüəllimin hesabı bloklansa və ya kursu platformadan silinsə belə, həmin kursu artıq almış tələbələrin video materiallara girişi davam edir. Alınmış kurslara giriş heç bir halda geriyə götürülmür.

10. Şikayət və Etiraz Hüququ

QeydMüəllim tətbiq olunan cəzanı haqsız hesab edərsə, 3 iş günü ərzində admin ilə (WhatsApp/e-poçt) əlaqə saxlayıb izahat və etiraz təqdim edə bilər. Qərar araşdırmadan sonra 5 iş günü ərzində müəllimə bildirilir. Maddə 2 və Maddə 3-dəki pozuntular üzrə sübutlar admin tərəfindən qiymətləndirilir və qərar yekundur.

11. Material Hüquqları

QeydYüklənmiş video və materiallar müəllimin əqli mülkiyyətində qalır. Müəllim platformadan ayrılmaq istəsə, mövcud tələbələrin girişi qorunmaqla, yeni satış dayandırılır və müəllim ilə ayrılma şərtləri qarşılıqlı razılaşdırılır.