Qaydalar və şərtlər

Son yenilənmə: 15 iyul 2026

Bu qaydalar Dərsevim platformasından istifadə şərtlərini müəyyən edir. Kurs almazdan əvvəl diqqətlə oxumağınızı xahiş edirik.

1. Ümumi müddəalar

Dərsevim (bundan sonra — Platforma) onlayn kursların satışı və izlənilməsi üçün veb platformadır.
Platformadan istifadə edərək bu qaydaları qəbul etmiş sayılırsınız. Razı deyilsinizsə, platformadan istifadə etməyin.
Qaydalar dəyişdirilə bilər. Dəyişiklik olduqda bu səhifədə yenilənir və qüvvəyə minmə tarixi göstərilir.

2. Hesab

Kurs almaq üçün hesab yaratmalısınız. Qeydiyyat zamanı düzgün və real məlumat verməlisiniz.
Hesabınızın təhlükəsizliyinə (şifrənin gizli saxlanmasına) siz cavabdehsiniz.
Bir hesab bir istifadəçiyə aiddir. Hesabı başqası ilə paylaşmaq qadağandır.
Qaydaları pozan hesablar xəbərdarlıq edilmədən bağlana bilər.

3. Kurslar və çıxış

Kursu aldıqdan sonra ona ömürlük çıxışınız olur — əlavə abunə ödənişi yoxdur.
Kursa yeni dərslər əlavə olunarsa, onlar da əlavə ödəniş olmadan hesabınızda açılır.
Platforma kursun məzmununu təkmilləşdirmək, yeniləmək və ya dərsləri yenidən çəkmək hüququnu saxlayır.
Texniki səbəblərdən qısamüddətli fasilələr ola bilər. Belə hallarda çıxışınız bərpa olunur.

4. Ödəniş

Kursların qiyməti Azərbaycan manatı (₼) ilə göstərilir.
Hissə-hissə ödəniş imkanı olan kurslarda ödəniş qrafiki kursun kartında göstərilir.
Hissə-hissə ödənişdə bütün hissələr ödənilənə qədər kursa tam çıxış açılmaya bilər.
Ödəniş təsdiqləndikdən sonra kurs hesabınızda açılır.

5. Geri qaytarma

Kursun ilk 7 günü ərzində və dərslərin 20%-dən azını izləmisinizsə, ödənişin geri qaytarılmasını tələb edə bilərsiniz.
Kursun 20%-dən çoxu izlənilibsə geri qaytarma edilmir.
Komplet paketlərdə geri qaytarma yalnız bütün paket üçün mümkündür — ayrı-ayrı kurslar üçün deyil.
Geri qaytarma sorğusu üçün bizimlə əlaqə saxlayın. Sorğu 5 iş günü ərzində baxılır.

6. Müəllif hüquqları

Platformadakı bütün videolar, mətnlər və materiallar müəlliflərin əqli mülkiyyətidir.
Dərsləri yükləmək, yazmaq (ekran yazısı), paylaşmaq və ya yenidən satmaq qəti qadağandır.
Bu qaydanın pozulması hesabın bağlanması və qanuni məsuliyyətlə nəticələnir.
Kurs materiallarını yalnız şəxsi öyrənmə məqsədi ilə istifadə edə bilərsiniz.

7. Məsuliyyət

Platforma bilik və bacarıq öyrədir, lakin konkret nəticə (iş tapmaq, gəlir əldə etmək) vəd etmir.
Öyrənmə nəticəsi tələbənin öz səyindən və praktikasından asılıdır.
Platforma üçüncü tərəf xidmətlərində (məsələn ödəniş sistemləri) baş verən nasazlıqlara görə məsuliyyət daşımır.

8. Əlaqə

Bu qaydalarla bağlı sualınız varsa bizimlə əlaqə saxlaya bilərsiniz: info@dersevim.az